Pedro Azpiazu Eusko Jaurlaritzaren Ogasun sailburua astelehenetik aurrera bilduko da oposizioko EH Bildu, Elkarrekin Podemos eta Alderdi Popularrarekin.

Itunpeko ikastetxetako patronalak, sindikatuak eta Eusko Jaurlaritzaren Hezkuntza Saila 2019ko urriaren 28an bilduko dira Lan Harremanen Kontseiluaren egoitzan.

Bizkaiko polikiroldegietako langileen bi asteko greba astelehenean hasiko da. ELA, LAB, CCOO eta UGT sindikatuek deitu dute, urriaren 28tik azaroaren 10era.

2019ko abenduaren 31a baino lehen, Batz Taldeak Igorreko Araluce lantegia ixteko eta bertan diharduten 141 langileak kaleratzeko asmoa duela jakinarazi du.

Nafarroako Gobernuko Hezkuntza Departamentuak iragarri du 2020an 656 lanpostuko lan eskaintza publikoa egiteko asmoa duela.

Langile bat, 46 urteko gizonezkoa, oso larri zauritu zen atzo Lesakako (Nafarroa) Transformados Zalain enpresan, Foruzaingoak gaur jakinarazi duenez.

Erandioko Cables y Alambres enpresako langileek, lantegiaren atarian 25 egunez kanpatuta egon ostean zuzendaritzak materiala atera ez zezan, kanpalekua altxatzea erabaki dute Administrazio Konkurtsalarekin lehen bilera izan eta gero. Berriro lan egitea erabaki dute negozioa berreskuratzeko, industria-proiektuarekin interesatuta dauden balizko inbertsoreak bilatzen dituzten bitartean.

Galdakaoko Ospitaleko bederatzi langile sarnarekin kutsatu dira. Galdakaoko Ospitaleko (Bizkaia) bost langile ‘sarna norvegiar’ agerraldi batekin kutsatu dira.

Langabezia EAEn eta Nafarroan hirugarren hiruhilekoan: 7.400 langabe gehiago zenbatu dituzte. Langabezia tasa EAEn % 9,26koa da; Nafarroako, berriz, % 8,19koa.

Udalak, hiriko taxi-elkarteekin adostu nahi du neurria, eta, horretarako, 2020ko urtarrilaren 1etik aurrera, Bilbon zenbat taxi eskuragarri dauden jakin nahi du.