22 urteko mutila oso larri eraman zuten Nafarroako Unibertsitate Ospitalera. Lanean ari zela, makina jasotzaile batek azpian harrapatu zuen eta traumatismo torazikoa eragin zion.

Abian jarri nahi diren parke energetikoek nekazaritzan eragina izan dezaketeela deitoratu du ENBA sindikatuak. Irizpide agrologikoak kontuan har ditzaten eskatu diete parke eolikoen edo fotovoltaikoen sustatzaileei, baita euskal erakundeei ere.

Senatuko osoko bilkurak Etxebizitza Eskubidearen aldeko Lege proiektua onartu du gaur, asteazkena. Horri esker, besteak beste, erkidegoek eta udalek alokairuaren prezioak mugatu ahal izango dituzte.

ELA, Satse, LAB, SME, CCOO eta UGT sindikatuek manifestazioak egingo dituzte EAEko hiriburuetan eta elkarretaratzeak lehen arretako hainbat zentrotan. Eusko Jaurlaritzak zerbitzu minimoak ezarri ditu: jaiegunetako langile kopurua egongo da ospitaleetan eta larunbat batekoa lehen arretan.

Etxebizitza Legearen behin betiko onarpenari emango diote bide Senatuan. Apirilaren 27an onartu zuten Kongresuan, Espainiako Gobernuak ERC eta EH Bildu alderdiekin adostutako akordioari esker. Aurreikusitakoa betez gero, gaur eztabaidatuko dituzten 324 zuzenketa partzialak ez dira aurrera aterako.

GASTEIZ. Guardia Zibilak bi pertsona atxilotu ditu Arabako Errioxan, «lan esplotazioa helburu duen gizakien trafikoagatik». Espainiako Gobernuak EAEn duen ordezkaritzaren arabera, otsailean hasi zuen Guardia Zibilak Worker operazioa, esplotazio saretik ihes egitea lortu zuen pertsona batek bizitakoa salatu ostean.

Ordezkaritzaren arabera, baldintza «deitoragarrietan» bizi ziren Portugalgo etorkinak, «giza duintasunarekin bateraezinak diren baldintzetan», eta esklabotza modernotzat jo dute haien egoera. Jatorrizko herrialdean hartu, eta lan egingo zuten tokira eramaten zituzten langileak.

Asteko egun guztietan egiten zuten lan Arabako mahastietan, eta ia hamabi orduko lanaldiak zituzten; eta haiek menperatzeko, «menpekotasun ekonomikoa» erabiltzen zuten.

Escrivak eta sindikatuek aurreakordioa lortu dute Gizarte Segurantzako greba bertan behera uzteko. Besteak beste, langileak eta arreta-zerbitzuak hobetzea eta Gizarte Segurantzaren Estatuko Agentzia sortzea adostu dute.

Nafarroak 7,3 milioi euroko diru-laguntza zuzenak jasoko ditu Espainiako Estatutik, lehorteagatik. 6 milioi euro abeltzaintzara bideratuko dira eta gainerako Gainerako 1,3 milioi euroak nekazaritza aseguruak kontratatzeko baliatuko dira.

Osakidetzako garbiketan deitutako greba maiatzaren 28ra arte luzatu du gehiengo sindikalak. Gainera, astelehenetik aurrera kanpaldia egingo dute Gurutzetako Ospitalearen aurrean.

Eusko Jaurlaritzak 750.000 euro bideratuko ditu ONEKIN programara, elikagaien eta zuraren balio-kateko enpresak laguntzeko digitalizazio, berrikuntza eta ekintzailetza arloko proiektuak garatzeko (Gobernu Bilera 2023-5-16)